Piyush Goyal, Union Commerce and Industry Minister

India aur Canada ke beech trade relations ko naye level par le jaane ki koshishein tez ho gayi hain. Commerce aur Industry Minister Piyush Goyal ne Mumbai mein Canada ke International Trade Minister Maninder Sidhu se mulakat ki, jisme Comprehensive Economic Partnership Agreement (CEPA) par baat aage badhi.

Dono deshon ne is baat par sehmati jatayi ki wo negotiations ko jaldi se jaldi complete karke saal 2026 ke ant tak deal finalize karna chahte hain. Ab tak CEPA ko lekar teen rounds ki baatcheet ho chuki hai, aur is hafte chautha round bhi shuru ho gaya hai.

Canada ka target hai ki 2030 tak India ke saath apna do-tarfa trade badha kar 70 billion dollar tak pahuncha diya jaaye. Abhi 2025 mein dono deshon ke beech kul goods aur services trade 30.4 billion dollar ka raha, jisme se 13.6 billion dollar sirf merchandise trade tha.

Is deal se India ke textile, pharma, aur IT services sector ko khaas fayda hone ki ummeed hai, jabki Canada apne agriculture aur energy exports ko India mein badhana chahta hai. Experts ka maanna hai ki agar yeh CEPA time par sign hota hai, to dono deshon ke beech investment flow bhi kaafi badh sakta hai.

Pichle kuch saalon mein diplomatic tanav ke baad ab dono desh economic front par fir se karib aa rahe hain, jo global trade ke nazariye se ek positive sign mana ja raha hai.

Leave a Reply

Your email address will not be published. Required fields are marked *